سڵاو شێرە، لێرەم تاکو هەرچی شتێک لەلات بە تەواوی لات ڕوون نەبۆتەوە، بۆتی ڕوون بکەمەوە، ئستا بڵێ بزانم پرسیارەکەت چیە
سڵاو دێڤی گیان، ڕاستی پرسیارێكم هەبوو، ئەویش ئەوەیە DOCTYPE و تاگەکانی <html> و هەندێ تاگی دیکە کە بە بناغە ناوت بردن، هیچ گۆڕانکارییەکیان درووست نەکرد لەبەرچاوم، جا ئەڵێم چ پێویست ئەکات بینووسین؟ ئەگەر کۆدەکە بەبێ نووسینی ئەوانە ئیش بکات جا بۆچیمانە؟ وا هەستم کرد تەنها HTMLـم لێ قوڕس دەکەن..
سوپاس، سەیرکە گوڵەکەم، ئێمە کە کۆدی HTML دەنووسین، تەنها بۆ ئەوە ناینووسین کە لەلایەن بەکارهێنەرەوە جوان و باش دەرکەوێت، بەڵکو دەبێت دڵنیا بینەوە کە لەسەر سەرجەم وێبگەڕەکان بەهەمان شێوە دەخوێندرێنەوە ئەمەش لەڕێگەی تاگی DOCTYPEـەوە دەکرێت. هەروەها گوگڵ و بینگ و هاوشێوەکانی، بۆ دۆزینەوەی بابەتەکان و فلتەر کردنیان پشت دەبەستن بەو تاگانەی HTML، هەتاکو تاگەکان بەشێوەیەکی باشتر ڕێكخرابن و گونجاوتر بن، ئەوا ئاسانتر دەبێت بۆ Google کە سایتەکەت بدۆزێتەوە و شیکاری بۆ بکات و ڕیزبەندی بۆ بکات.
واتا HTML تەنها بۆ درووستکردنی بناغە و نووسین و بنچینەکانی ماڵپەڕەکە نیە، بەڵکو مانا و ڕێكخستن'یش دەبەخشێ بە ماڵپەڕەکە لە پێناو ئاسانتر دۆزینەوە و خوێندنەوەی لەلایەن وێبگەڕ و Google، Bing و هاوشێوەکانی
ئێ ئێ ئێستا تێگەشتم، بەس باشە تێنەگەشتم چۆن ئەو تاگانە یارمەتی گوگڵ دەدەن سایتەکەم بدۆزێتەوە و ڕیزبەندی بۆ بکا؟
سەیرکە، بە نووسینی title لە لە نێو تاگی head، ئەوا تۆ ناوێكت لە پەیجەکە ناوە بە نووسینی h1 لە نێو تاگی html و bodyـدا، ئەوا تۆ ڕێگەت داوە بە گوگل ڕاستەوخۆ لە بابەتی سەرەکی پەیجەکەت تێ بگات
سەریکە پەیجێك ئەزانیت وەك چی وایە، وەك کتێبێك وایە، کتێب کە لە کەڤەرەکەیدا، ناوی کتێبەکە نووسراوە، کە دەیکەیتەوە لە لاپەڕەکانی سەرەتا ئاماژە بە ناوی بەندەکان و ژمارەی لاپەڕەکانی داوە، هەر بە زانینی ناوی کتێبەکە تۆ دەزانی بابەتی سەرەکی کتێبەکە چیە و خوێندنەوەی ناوی بەندەکانیش بەرچاو ڕوونیەکی یەکجار زۆرترت دەدەنێ
ئێ ئینجا ئەمە چۆن وەک HTML و گوگڵە؟
سەیرکە پەیجێكی HTMLـیش وەک کتێبەکە وایە و Googleـیش وەك تۆ وایە، بەڵام تۆ بەپێی ناونیشانی کتێب بەنێو کتێبەکاندا دەگەڕێیت و گوگڵ'یش بەپێی تایتڵ و تاگەکانی head بەنێو پەیجەکاندا دەگەڕێت
ئەهاا، ئێستا جوان تێگەیشتم دێڤی گیان، زۆر مەمنوونم
ئێمە لە خزمەتتاین گوڵەکەم، دەی بتبینم بەردەوام بیت، تاکو گفتوگۆی دیکەمان هەبێت
دووبارە سوپاس دێڤی گیان، بایی
بایی گولم